پیاری بہن۔۔۔ السلام علیکم ورحمۃاللہ وبرکاتہ۔۔۔

اللہ رب العالمین کی طرف سے بابرکت تحیہ۔۔۔ اور سچے دل سے دعا کہ اللہ رب العالمین آپ سے آپ کی ما ں سے آپ کے سارے فیملی سے یہ سخت بلا ٹال دے۔ کتنا ہی مشکل ہوتاہے کہ آدمی اپنے سب سے قریب ترین کے مصیبت میں مبتلا ہو اور کتنا ہی تکلیف دہ ہے کہ وہ آدمی پیٹھ میں خنجر گھونپے جس سے امید ہو کہ وہ حمایت کرے گا اور اس کی مدد کرے گا اور ہماری طرف سے وہ دفاع کرےگا۔ ایک مسلم گھرانہ سارے مسلم امت کے لئے ایک بیج کی حیثیت رکھتا ہے وہ دین اور وطن کے قلعوں میں سے ایک قلعہ بھی ہے اس لئے بہتر یہ ہے کہ یہ قلعہ اندر سے ٹھوس ہو اور بذات خود مضبوط ہو، اور اس کے ہر فرد پر یہ ذمہ داری عائد ہوتی ہے کہ وہ اپنے آپ کو اس کی شگافوں میں سے ایک شگاف کا ذمہ دارمحسوس کرے۔ اور اس کی حمایت اور اس کے شگاف کی قلعہ بندی کا سب سے بڑا بوجھ اس کے قائد یعنی باپ پر جاتا ہے، جیسا کہ رسول اللہ صلی اللہ علیہ وسلم نے فرمایا ہے: مرد اپنے گھر کا نگراں ہے اس سے اس کے گھروالوں کی بابت پرسش ہوگی (بخاری:2642)۔ لہذا وہ اپنی بیوی، بچوں کو راہ راست پر لانے اور ان کی رہنمائی و اصلاح کا ذمہ دار ہے، جیسا کہ اللہ رب العالمین نےا پنے رسول صلی اللہ علیہ وسلم کو حکم دیتے ہوئے ارشاد فرمایا ہے (وَأَنذِرْ عَشِيرَتَكَ الأَقْرَبِينَ) (الشعراء:214) یعنی: (اپنے قریبی رشتےداروں کو ڈرا دیجئے)۔

تو سرپرست کو چاہئے کہ وہ اللہ کی طرف دیکھتے ہوئے ان کی دیکھ بھال کرے اور خود بھی اللہ تعالی کی اطاعت وفرمانبرداری کرے اور ان کی بھی اچھی قیادت کرے۔ تو اس وقت کا عالم کیا ہوگا جب سرپرست ہی سیدھے راستے پر چلانے کے بجائے ان کو گمراہ کرنا چاہیں۔

اور کشتی کا ناخدا ایسے وقت میں اپنے رب کی نافرمانی کیسے کرسکتا ہے جب وہ ہر طرف سے موجوں کے تھپیڑوں سے دوچار ہو رہا ہو۔ اور ڈوبنے کے قریب ہو اور اس صورت میں مصیبت اور بڑھ جاتی ہے جب کشتۓ ناخدا اور باپ اپنے خاندان کو تباہ وبرباد کرنے پر تلا ہوا ہو۔ اور اپنی قوم کو گمراہ کرنا چاہتا ہو اور ان کے خلاف شیطان کی مدد کررہا ہو۔

مچھلی عام طور پر اپنے سر سے ہی خراب ہوتی ہے تو جب خرابی سر میں آگئی ہو تو اس کے بعد سارے جسم میں سرایت کر جاتی ہے، اسی طرح ایک گھرانے کی مثال ہے۔

 اللہ کے رسول صلی اللہ علیہ وسلم نے اپنی قوم کی دعوت کے شروع ہی میں کہا تھا "بےشک نگراں اپنے اہل وعیا ل سے جھوٹ نہیں بولتا بخدا اگر میں سارے لوگوں سے جھوٹ بولتا تب بھی آپ لوگوں سے جھوٹ نہ کہتا"۔

تو پھر اس وقت کیا ہوگا جب تمہارے خاندان کا سرپرست، ذمہ دار، نگراں ہی ایک نمبر کا جھوٹا، فاجر، شرابی اور نشہ آور چیزوں کا عادی ہو۔ علماء، واعظین، حکومت اور پولس بھی اس کی اصلا ح نہ کر سکی اور کسی بھی چیز سے شرمسار نہ ہوا یہاں تک کہ آپ لوگوں کی ساکھ کو بھی آلودہ کردیا اور آپ لوگوں کو تباہی وبربادی اور بڑے بڑے مفسدات کی دھمکی دی اور آپ ہی لوگوں کو زنا بالجبر کی دھمکی دی اور اس پر اکتفاء نہ کرتے ہوئے بیہودہ باتیں بک گیا کہ اس کو اپنی بیٹوں کے ساتھ شوہروں کی طرح صحبت کرنے کا حق ہے۔ خدا کی قسم یہ چیز فطرت بھی گوارہ نہیں کرتی اور نہ ہی عقل سلیم اس کو قبول کرتی ہے اور ہر طرح کے ادیان و مذاہب چاہے وہ کافر، مسلمان، یہودی اور نصرانی ہی کیوں نہ ہوں اس کو جرم قرار دیتے ہیں۔

باپ کا اپنی بیٹی کے ساتھ جو رشتہ ہوتا ہے وہ ہر طرح کی عزت و احترام کے ساتھ ساتھ قیادت اور سرپرستی پر مبنی ہوتا ہے۔

اور شوہر کا جو اپنی بیوی کے ساتھ رشتہ ہوتاہے تو اس میں باہمی محبت کے ساتھ ساتھ رغبت وشہوت کی بھی آمیزش ہوتی ہے اور ایک دوسرے کا احترام ہوتا ہے۔

وہ محبت جو ایک باپ کو اس کی بیٹی کے ساتھ اکٹھا کرتا ہے اس محبت سے مختلف ہوتا ہے جو شوہر کو بیوی کے ساتھ اکٹھا کرتا ہے اور یہ ایک بدیہی بات ہے جس کو ہر سلیم الفطرت اور عقلمند آدمی جانتا ہے۔

اور شاید کہ تم یہ پوچھنا چاہتی ہو کہ اس میں کیا راز پوشیدہ ہے کہ تمہارا باپ اپنے بیٹیوں کے ساتھ زنا بالجبر کرکے گمراہی پر مصر ہے؟۔

طب اور زندگی کے تجربے کی روشنی میں تمہیں یہ بات بتا رہا ہوں، کوئی بھی باپ اپنی بیٹی کو ہی صحبت کرنے والی نگاہ سے کبھی نہیں دیکھ سکتا مگر صرف ایک مشہور حالت میں اور وہ مہ نوشی ہے۔۔۔ مہ نوشی ہی اس ملعون بیماری کا سبب ہے دیگر نشہ آور چیزوں کے علاوہ شراب تنہا ہی آدمی کی عقل کو پاگل پن کے حد تک پہنچا سکتی ہے۔

آپ نے اپنی پریشانیوں اور حیرانیوں کو لیکر شیوخ، واعظین، پولس اور اعزاءواقارب ہر ایک کا دروازہ کھٹکھٹایا اپنے مدہوش باپ سے چھٹکارا پانے کے لئے لیکن کہیں سے کسی بچاؤ یا مدد کی امید نظر نہیں آتی۔

ایسی مشکل اور کٹھن پریشانیوں سے چھٹکارا پانے کے لئے سختی اور طاقت کی ضرورت ہوتی ہے جس کی اصلاح نرم لب و لہجہ سے نہ ہوسکی تو سختی ہی اس کو راہ راست پر لےآتی ہے، ناصح اگر اصلاح نہ کرسکے تو بسا اوقات طاقت کی بنیاد پر اس کی اصلاح ہو جاتی ہے۔۔۔ اور لوگوں کی یہ قسم – جیسے کی آپ کے باپ- جو کبھی اللہ سے خوف نہیں کھاتے، ان کے حالت کی اصلاح جہنم اور اسکے آگ سے ہزار ہا ڈرانے دھمکانے سے بھی نہیں ہوسکتی ایسے لوگ اچانک گریہ وزاری کرتے ہوئے نیک وصالح آدمیوں میں سے طاقتور آدمی کے سامنے ڈرکی وجہ سے جھک جاتے ہیں اور وہ لوگ (نیک اور قوی لوگ) ان کوراہ حق پہ لےآتے ہیں اورحق پر لاکر گامزن کردیتے ہیں پھر یہ (راہ راست سے بھٹکے ہوئے) لوگ قوی اور پرہیزگاروں کی قوت سے خوف کھاتے ہیں پھر ڈر اور امید کی بنیاد پر ان کی حالت سدھر جاتی ہے۔ اور جب بھی ان لوگوں کے بارے میں یا فسق وفجور سے انکار کے بارے میں سوچتے ہیں تو اپنی شر انگیزی سے باز آجاتے ہیں۔ بعض فتنہ پروروں کی عقل کیمیا گری سے ٹھکانے پر نہیں آتی جب تک کسی سخت اور طاقتور متقی و پرہیزگار سے پالا نہ پڑے۔

اگر نیکو کار پرہیزگار لوگ اللہ رب العالمین کی طرف دعوت وتبلیغ کرنے اور لوگوں کو تربیت کرنے اور منکر کی تغیر پر کمر بستہ ہوجائیں تو وہ آپ کے باپ جیسے لوگوں کوڈرا دھمکا کر اور امید دلاکر اور ان کو خوشخبری سنا کر اور ان کو نصیحت کر کے یا رعب ودبدبہ کا استعمال کرکے راہ راست پر لے آئیں۔

پیاری بہن۔۔۔

ہمارے معاشرہ میں آپ کے باپ کی طرح بہت سارے لوگ ہیں جو دیندار کی قوت سے ڈرتے ہیں اور ان میں خاص کر وہ لوگ جو اللہ سے بے انتہا ڈرتے ہیں۔ بخدا اولا تو یہ حکومت کی ذمہ داری ہے لیکن ان شرانگیزوں، نشیلی اشیاء کی تجارت کرنے والوں اور نشہ سے لت پت لوگوں کو ادب سکھلانے میں بہت ہی کوتاہی اور سستی سے کام لیا اور آپ جیسوں کو مشکلات میں لا کھڑا کیا اس پر افسوس نہ کرو۔

پیاری بہن۔۔۔آپ کے لئے اللہ رب العالمین کی طرف رجوع کرنے کے ساتھ ساتھ کسی امانت دار، متخصص اور ثقہ وکیل کے ذریعہ عدالت میں شکایت درج کرا کر اس سے مدد لینا بہتر ہے، جیسا کہ آپ کے لئے نیک وصالح لوگوں میں سے کسی اثرورسوخ اور منصب والے آدمی سے مدد لینا بھی بہتر ہے، مثلا بعض بڑے خاندانوں سے۔۔۔ یا کسی ایسے آدمی سے جس کی آپ کے شہر یا خاندان میں کچھ اہمیت ہو۔۔۔اسی طرح آپ لوگوں کے لئے یہ بھی ضروری ہے کہ آپ لوگ اس کے سامنے کمزوری یا نرمی کا اظہار نہ کریں کیونکہ نشیلی اشیاء کا عادی ہمیشہ جھوٹی طاقت کا مظاہرہ کرتا ہے اور وہ خود ظاہری کمزوری اور باطنی ذلت ورسوائی کی انتہا پر ہوتاہے۔۔۔ لہذا آپ لوگ اس کے سامنے ایمان و یقین کی قوت کا مظاہرہ کریں اور اس کو چیلیج کریں۔۔۔ اور اس کے سامنے کسی نرمی یا خاکساری کا اظہار نہ کریں۔۔۔ کیونکہ انسانوں میں سے جو شیطان ہیں وہ جناتوں کے شیطان کی طرح ہیں آپ جتنا ہی ان کے سامنے کمزوری کا مظاہرہ کروگے وہ آپ کے اندر اتنا ہی زیادہ امید لگائیں گے اور اس کی سرکشی وعداوت میں اضافہ ہوگا۔۔۔ اور وہ گمراہی، نزاکت اور غرور میں اڑے رہیں گے۔ اور ہم نے بارہا اس کا تجربہ کیا ہے۔۔۔ تو آپ کے باپ کی طرح کتنوں نے ہمارے جیسے لوگوں کو ان کی جوانی میں دیکھا اور لرز اٹھے اور ان کو رعب ودبدبہ اور خوف نے آ دبوچا۔۔۔ اور میں اس سے بہت حیرت بھی کرتا تھا۔۔۔ اور اپنے آپ سے کہتا تھا۔۔۔ جب تم اس ذلت ورسوائی میں ہو۔۔۔ پھر کیوں نافرمانی کی اور بذات خود برباد ہوئے اور دوسروں کو بھی برباد کیا اور لوگوں پر ظلم کیا اور طاقت وقوت کے بل بوتے دوشیزاؤں کے ساتھ زنا بالجبر کی کوشش کی اور مختلف طریقے سے ڈرائے۔۔۔ پھر میں کہتا ہوں یہی بھٹکے ہوئے آدمی کی فطرت ہے جس پر شاعر کا یہ قول صادق آتاہے۔

اگر تم شریف آدمی کا اکرام کروگے تو اس کو غلام بنا لوگے اور اگر تم کمینے کا اکرام کروگے تو وہ سرکشی پر اتر آئے گا۔

اور اس کے لئے بد دعا کرنا تو اس میں کوئی فائدہ نہیں ہے۔۔۔ اور اس کے لئے ہدایت، اصلاح توبہ وغیرہ کے لئے دعا کرنا تو یہ آپ لوگوں کے لئے زیادہ مناسب اور نفع بخش ہے اور اس کے رشتے میں ہونے کے ناطے زیادہ افضل ہے آپ کے لئے اور اس کے لئے۔

لیکن ہر وقت ضروری ہے کہ آپ لوگ اللہ سے دعا کریں تاکہ وہ آپ لوگوں کے سر سے اس کے شر کو اٹھالے اور اس کی گمراہی اور مکر وفریب سے آپ لوگوں کو محفوظ رکھے۔۔۔ اور آپ لوگوں کو خیر وبھلائی سے نوازے۔۔۔ بہرحال اس کے لئے موت کی دعا کرنا تو میں اس کو پسند نہیں کرتا بلکہ میں بہتر سمجھتا ہوں کہ آپ لوگ اس کے لئے توبہ اور اصلاح اور خاتمہ بالخبر کی دعا کریں۔۔۔ اسی طرح آپ لوگ یہ بھی دعا کریں کہ اللہ رب العالمین اپنی طرف سے آپ لوگوں کے لئے ولی اور مددگار مقررکردے۔۔۔ اللہ رب العالمین آپ لوگوں کو بھلائی کی توفیق دے۔۔۔ اور آپ لوگوں کی دیکھ بھال کرے اور اللہ رب العالمین آپ لوگوں کو اپنی حمایت میں رکھے۔۔۔ وہ بہت ہی اچھا مولی اوربہت ہی اچھا مددگار ہے۔