بسم اللہ الرحمن الرحیم

پیاری بہن۔۔

السلام علیکم ورحمۃ اللہ وبرکاتہ

شوہر کی خیانت دو طرح کی ہوتی ہے ایک جسمانی خیانت دوسرا دلی خیانت۔۔۔ اور دونوں ہی بہت سنگین ہیں۔۔۔ اور ان دونوں میں سے ہر ایک دوسرے تک پہنچنے کا ذریعہ ہے دلی خیانت یہ ہے کہ تم اپنے شوہر کے علاوہ کسی دوسرے سے عشق ومعاشقہ کرو اور یہ بہت بڑی خیانت ہے معمولی نہیں۔ اور معاذ اللہ یہ جسمانی خیانت کا چور دروازہ ہے۔ ایک مسلم نیک خاتون کے لئے ضروری ہے کہ اس کا احساس، اس کا دل، اس کی عشق ومحبت یہ سب کا سب ایک ہی آدمی کے لئے ہو اور وہ شوہر ہے۔۔۔اس پر ضروری ہے کہ وہ اپنے دل ودماغ میں پہلے ہی سے اپنے شوہر کی محبت کا بیج بوئے۔۔۔ اگر ایسا نہ کرسکے تو اس کے لئے پوری طاقت صرف کرنے کی کوشش کرے پھر بھی ایسا نہ کرسکے تو اس کے سوا کسی سے محبت نہ کرے نہیں تو گنہگار ہوگی اگرچہ اس گناہ کے بارے میں اللہ کے سوا کوئی نہ جان سکے، اپنے شوہر کے علاوہ کسی کی محبت دل سے اکھاڑ پھینکو اور اپنے شوہر کے بارے میں غور وفکر کرو تم اس کے اندر بہت ساری اچھی خصلتیں پاؤگی جو تمہیں پسند آئے گی تو اس سے قریب ہونے کی کوشش کرو تاکہ وہ تم سے قریب ہوسکے۔ اور آدھی محبت کا ہی اس کے اندر اکتشاف کرو۔ اپنی زبانی محبت سے اسکے ساتھ شریک ہو شاید اللہ رب العالمین آپ کے دل میں بھلائی ڈال دے اور اس نیک شوہر کی محبت آ پ کے دل میں جاگزیں کردے جس نے آپ کے ساتھ کبھی ظلم وزیادتی نہیں کی۔ اور اللہ کے رسول صلی اللہ علیہ وسلم کا یہ قول یاد کرو کہ جو شخص سوال سے بچتا ہے اللہ اس کو بچاتاہے (مسلم:1745)۔ آپ کے لئے ضروری ہے کہ ان سب چیزوں میں سے کچھ اپنے شوہر سےنہ بتاؤ۔۔۔ اپنے آپ کی ستر پوشی کرو، یہ شرعی طور پر واجب ہے۔۔۔ کیونکہ جب آپ اس کو یہ بتاؤگی تو وہ آپ سے بدگمانی کرے گا اور اس کی تصدیق نہیں کرے گا کہ آپ نے اس کے ساتھ بدکاری نہیں کی ہے ورنہ خود اپنا گھر برباد کرلوگی۔۔۔اور جب اللہ رب العالمین نے انسان کو خود اپنی ستر پوشی کا حکم دیا ہے یہاں تک کی جسمانی خیانت میں بھی تو دلی خیانت تو بدرجہ اولی سترپوشی کے لائق ہے۔ سترپوشی توبہ کی پہلی سیڑھی ہے اور بغیر کسی شرعی ضرورت کے کسی بھی اجنبی مرد سے گفتگو مت کرو، اللہ کے حقوق کی حفاظت کرو وہ آپ کی حفاظت کرے گا۔ اخیر میں آپ کے اور آپ کے فیملی کی بھلائی کے لئے میری طرف سے بہت ساری دعائیں۔