الحمد لله؛ پیاری بہن! سب سے پہلے تو میں یہ کہوں گا کہ جوکچھـ ہوا تمہارے اور تمہارے اس سابق شوہر کے درمیان جس نے مہذب انداز سے دخول نہیں کیا، بہت افسوس کی بات ہے کہ ہم لوگ اس زمانے میں ایسے ہوگئے ہیں کہ ہم اپنی بہت ساری اس عادات و تقالید اور رسم و رواج سے ہاتھـ دھو بیٹھے ہیں جن کی روشنی میں ہمارے آباء و اجداد نے پرورش پائی تھی۔

پیاری بہن! ہمارے پاس رواج یہ ہے کہ کوئی بھی دوشیزہ اس وقت تک بیوی نہیں ہوسکتی جب تک کہ اس کا شوہر اس کے ساتھـ ہمبستری نہ کرلے، بایں طور کہ وہ سب کے سامنے اس سے شادی کا اعلان کرے، شادی ہونے کے بعد والے عرصہ میں وہ ہرطرح کی جائز و نا جائز چیز سے قطع نظر ہرلڑکی کے لئے ضروری ہے چاہے اسے نکاح کے لئے پیغام دیا گیا ہو یا اس کی منگنی ہوچکی ہو اسے چاہیئے کہ وہ اپنے آپ کی حفاظت کرے اور کسی ایسی چیز میں غلو سے کام نہ لے جو شادی اور شہرت کے بعد ہی حلال ہوتی ہے، اپنے اس شوہر کے سامنے ابتداء ہی سے اپنے آپ کی حفاظت کرتے ہوئے جو اس کی زندگی میں قدم رکھنے والا ہے۔

پیاری بہن! میں تم سے ایک سوال پوچھنا چاہتا ہوں: وہ یہ کہ تم دونوں کا آپس میں انٹرنیٹ پر ایک دوسرے کی شرمگاہ دیکھنے کے بعد کیا حال ہوتا تھا جبکہ تم دونوں ایک دوسرے سے دور بھی ہوتے تھے؟!!

بلاشبہ یہ چیزیں شہوت کو بھڑکاتی ہیں اور شیطان کے لئے دروازہ کھولتی ہیں خاص طور پر جب دونوں میں سے کوئی بھی ایک دوسرے کی بانہوں میں پہنچنے کی استطاعت نہ رکھتا ہو۔ بات صرف حلال اور حرام کی نہیں ہے بلکہ اس حرکت پر دوسری چیزیں جو مرتب ہوتی ہیں اس سے ہے، تمہیں کیا معلوم کہ اس کی اس وقت کیا حالت ہوتی ہوگی جب وہ شہوت کو بھڑکانے والی چیزیں دیکھتا ہوگا جبکہ وہ دور دراز جگہ میں ہے، یہ بات معلوم ہے کہ اس طرح کی چیزیں جوش دلانے کی ہوتی ہیں اور پھر اس پر جو نتیجہ مرتب ہوتا ہے وہ شادی شدہ لوگ سب جانتے ہیں۔

اگریہ کیفیت ہے تو پھر اس کے لئے ضروری تھا کہ وہ آپ کو اپنے ہمراہ اس ملک میں لے کر جائے جہاں وہ رہ رہا ہے، تاکہ وہ اپنے آپ کو حرامکاری سے محفوظ رکھـ سکے اور آپ کو بھی اس سے محفوظ رکھـ سکے، یہ بات میں ان تمام بہنوں سے کہنا چاہوں گا جنہیں شادی کے لئے پیغام دیا گیا ہے یا ان کی منگنی ہوگئی ہے۔

آپ اس وقت کیا کرتیں اگر وہ کوئی غیر امانت دار شخص ہوتا اور جو کچھـ تم دونوں کے درمیان انٹرنیٹ پر ہوا اسے ریکارڈ کرلیتا اور پھر اس کے بعد ان مناظر کے بدلے وہ تمہارا استغلال کرتا؟!!۔

ہربہن کو ہمارا یہی مشورہ ہے کہ وہ اپنے آپ کی حفاظت کریں اور کسی بھی چیز میں غلو سے کام نہ لیں اس طرح کی حرکت کرنے میں حوصلہ افزائی کرنے کے اسباب جو بھی ہوں۔

تمہارا یہ سوال کرنا کہ اس کے بعد جو شخص بھی تم سے شادی کرنے کے لئے پیغام دے اسے جو کچھـ بھی تمہارے اور سابق شوہر کے درمیان ہوا اس کے بارے میں صراحت کے ساتھـ بتلانا، تو میں تمہیں پورے بھروسے اور اطمئنان کے ساتھـ کہتا ہوں کہ جو شخص تم سے شادی کرنے کی چاہت رکھتا ہے اسے اس بات کے بارے میں ہرگز کچھـ نہ بتلانا، کیونکہ یہ اس کا حق نہیں ہے کہ وہ آپ کے بارے میں وہ چیزیں جانے جو صرف اور صرف آپ کی اپنی ہیں۔ یہ کوئی دھوکہ یا چالبازی نہیں ہے، کیونکہ اس کے زیرسایہ تم اس وقت ہوگی جب اس سے تمہاری شادی ہوجائے گی، بہت سارے علماء کرام نے اسی کا فتوی دیا ہے۔

جب اللہ رب العالمین نے تمہارے اس حرکت پر پردہ ڈال دیا تو پھر تم بھی اس پردے کو نہ کھولو یہاں تک کہ کسی بھی شخص سے اس کے متعلق بات بھی نہ کرو، اس بات کو ہی سرے سے بھول جاؤ اور اپنے پچھلے والے تجربہ سے فائدہ اٹھاتے ہوئے جو شخص تمہارا ہاتھـ مانگنے کے لئے تمہاری طرف قدم بڑھائے اس کے ساتھـ اپنی زندگی شروع کرو۔