بہت سارے لوگ ایسے ہیں جو اس زندگی میں اللہ رب العالمین کی نعمتوں کا احساس نہیں کرتے۔۔۔ اور بسا اوقات ان نعمتوں کی اچھی طرح قدر بھی نہیں کرتے لیکن جب یہی نعمت ان سے چھن جاتی ہے تب ان کو اس کا اندازہ ہوتا ہے۔۔۔ ان جیسے لوگوں پر اللہ رب العالمین کا یہ قول صادق آتا ہے ارشاد باری تعالی ہے (كَلَّا إِنَّ الْإِنْسَانَ لَيَطْغَى * أَنْ رَآهُ اسْتَغْنَى) (العلق:6-7): (سچ مچ انسان تو آپے سے باہر ہوجاتا ہے، اس لئے کہ وہ اپنے آپ کو بےپروا (یا تونگر) سمجھتا ہے) یعنی جب اللہ رب العالمین بندے کو کسی ایسی نعمت سے نوازتا ہے جس سے دوسرے لوگ محروم ہیں تو وہ ایسی صورت میں کبھی کبھی اپنے پروردگار کے فضل و کرم کو ہی بھول جاتا ہے، چہ جائے کہ اس کو اس نعمت کا احساس ہو، اللہ رب العالمین سے حیاء کرے، اس کا شکر بجا لائے، یہ نعمت اس کو سرکشی پر آمادہ کردیتی ہے اور اسے اس کے حق کی ادائیگی سے اندھا کردیتی ہے یہی نہیں بلکہ کبھی کبھی ایسا بھی ہوتا ہے کہ وہ اس کی سرکشی جاری ہی رہتی ہے کہ وہ نعمت اس سے اچانک چھین لی جاتی ہے پھر وہ آہیں بھرنے لگتا ہے۔

تمہارے اس دکھـ بھرے سوال کا جواب دینے سے پہلے میں یہ تمہید باندھ رہا ہوں۔۔۔ میری پیاری بہن! اللہ رب العالمین نے تمہیں اس قدر حسن و جمال سے نوازہ ہے جیسا کہ تم نے بتلایا۔۔۔ اور ایسے شوہر سے نوازا جو کافی با اخلاق اور دیندار ہے وہ بھی ایسے زمانے میں جہاں اچھے اخلاق کے لوگ بہت کم ہیں طلاق کی نوبتیں زیادہ پیش آتی ہیں۔۔۔ ایسے آباء و اجداد کی وجہ سے کافی فیملیوں کے گھر اجڑ گئے برباد ہوگئے کیونکہ یہ لوگ اپنی بیویوں کے ساتھـ اچھے اخلاق کے ساتھـ پیش نہیں آتے۔۔۔ اور نہ ہی انہیں مسلم گھرانوں کی حرمت کا احساس ہوتا ہے۔۔۔ اللہ رب العالمین نے آپ کو تنگی میں نہیں ڈالا اور آپ کو ایک ہی بچہ نہیں بلکہ تین تین بچوں سے نوازا اور وہ بھی ایسے وقت میں جہاں بہت ساری عورتیں ایک ہی بچہ حاصل کرنے کی خواہش میں گھٹ گھٹ کے سانسیں لے رہی ہیں ان کی کتنی خواہشیں ہوتی ہیں کہ وہ بھی اپنے اندر کوٹ کوٹ کر بھری ماں کی ممتا کو کسی بچے پر نچھاور کریں۔ کتنے لوگ ایسے ہیں جو یہ تمنا کرتے ہیں کہ وہ ساری دنیا کی دولت لٹا دیں تاکہ وہ اپنی کانوں سے ابو اور ممّی کی آواز سن سکیں، لیکن پھر بھی اللہ رب العالمین کی کسی مصلحت کی بناء پرجو اللہ ہی بہتر جانتا ہے وہ لوگ اس نعمت سے محروم ہیں۔

اتنا سب کچھـ ہونے کے باجود بھی تم نے اس عظیم نعمت کا احساس نہیں کیا۔۔۔ اس کے بدلے کہ آپ شب و روز زبان اور دل سے اللہ رب العالمین کا شکر بجا لائیں، اور اس متقی و پرہیزگار شوہر کے ساتھـ اخلاص اور مکمل وفاداری کے ساتھـ پیش آئیں، شیطان تم پر غالب آ گیا اور تمہیں معصیت کی طرف کھینچ لے گیا اس دلیل سے کہ تمہارا شوہر اپنے کام میں زیادہ مصروف رہتا ہے۔۔۔ جیسے کہ وہ (تمہارا شوہر) تمہارے سوا کسی دوسری عورت اور دوسرے بچوں کی خاطر اتنی محنت کرتا ہے۔۔۔ یا وہ اپنی ساری کمائی تمہارے گھر کے سوا کہیں اور اڑا دیتا ہے۔

تم نے اس اچھے اخلاق کا بھی لحاظ نہیں کیا جس کے سائے میں اس نے تمہیں رکھا۔

حرام کی طرف بڑھتے ہوئے قدم کو ان ننھے منھے پھولوں (بچوں) کی یاد بھی تمہیں نہیں نہ روک سکی جو اللہ رب العالمین نے تم دونوں کی آنگن میں اگایا۔۔۔  یہاں تک کہ تم نے حلال اور پاکیزہ چیز کو اپنی پشت کے پیچھے چھوڑ دیا اور ناجائز کی تلاش میں نکل کھڑی ہوئیں۔

اگر اللہ رب العالمین نے تمہارے لئے، تمہارے شوہر کے لئے اور ان ننھے منھے پھولوں (بچوں) کے لئے بھلائی نہ چاہا ہوتا تو تم آج اس چیز سے اپنے ہاتھـ دھو بیٹھتیں جو اس زندگی میں ایمان کے بعد سب سے زیادہ قیمتی چیز ایک عورت کے پاس ہوتا ہے اور وہ ہے اس کی عزت و آبرو اور پاکدامنی۔

پیاری بہن! تمہارے لئے ضروری ہے کہ تم ہرہر پل اور ہرہر لمحہ اللہ رب العالمین کا شکریہ ادار کرو کیونکہ اس نے تمہیں اس مشکل گھڑی سے نجات دیدی اور تمہیں ذلت و رسوائی کے گڑھے میں گرنے سے بچا لیا۔۔۔ اگر تمہاری عزت پر ڈاکہ ڈالا گیا ہوتا تو ساری دنیا کی مال و دولت کا ضائع ہونا بھی تمہاری اس ذلت و رسوائی اور نفسیاتی طور پر ملنے والی تکلیفوں کے برابر نہ ہوتا جو تمہیں پوری زندگی بھر جھیلنا پڑتا۔

شاید اللہ رب العالمین نے تمہارے لئے ایک نئی زندگی لکھی تھی۔۔۔ اور خاص طور پر تمہیں اللہ رب العالمین نے اس برگزیدہ بندے (شوہر) کی خاطر بچا لیا۔۔۔ اس میں تمام شوہروں اور بیویوں کے لئے عبرت ہے ان کو چاہیئے کہ وہ یہ بات اچھی طرح سے جان لیں۔

اللہ رب العالمین کی یہ سنت چلی آرہی ہے کہ وہ ان لوگوں کی حفاظت کرتا ہے جو اس کے حکم کی تابعداری کرتے ہیں، اس کے متعین کردہ حدود سے تجاوز نہیں کرتے ہیں۔۔۔ کسی بھی عمل کا بدلہ اسی قبیل سے ہوتا ہے۔۔۔ کیونکہ آپ کے شوہر اللہ رب العالمین کے متعین کردہ حدود سے تجاوز نہیں کرتے اسی لئے اللہ رب العالمین نے بھی ان کی عزت و آبرو کی حفاظت فرمائی۔ یہی اللہ رب العالمین کی سنت رہی ہے جس میں کسی بھی طرح کی تبدیلی نہیں ہوتی ہے۔ جیسا کہ ارشاد باری تعالی ہے " ولن تجد لسنة الله تبديلا " (اور تو اللہ کے دستور میں ہرگز رد و بدل نہ پائے گا)۔

پیاری بہن!

کسی بھی شخص کے اندر یہ استطاعت نہیں ہے چاہے وہ کوئی بھی ہو کہ وہ اللہ رب العالمین کی رحمت کے دروازے تمہارے لئے بند کردے۔۔۔ کیونکہ اللہ رب العالمین بہت زیادہ مہربان اور رحم کرنے والا ہے۔۔۔ وہ رات کو اپنا دست دراز کرتا ہے تاکہ وہ دن کے خطاکاروں کی توبہ قبول کرے اور رات کو اپنا دست دراز کرتا ہے تاکہ وہ رات کے خطاکاروں کی توبہ قبول فرمائے۔

اس کے لئے ضروری ہے کہ تم سچے دل سے توبہ کرو۔۔۔ اور اللہ کو ناراض کرنے والا جو قدم تم نے اٹھایا تھا اس کے لئے تمہیں ندامت و شرمندگی کا احساس بھی ہو۔ خیانت کے اس لمحہ کے بدلے تم پوری زندگی اپنے شوہر اور اپنے بچوں کے لئے مخلص اور وفاء کا پیکر بن جاؤ۔۔۔ تم نے اپنی جو کیفیت بیان کی ہے اس سے بالکل یہ بات عیاں ہے کہ جو کچھـ ہوا تمہیں اس پر کافی ندامت و شرمندگی کا احساس ہے، اور انشاء اللہ یہ توبہ کے قبول ہونے کی علامتوں میں سے ہے۔

پیارے متقی و پرہیزگار شوہر۔۔۔ آپ کے اور آپ ہی کی طرح دوسرے شوہروں کے کان میں بھی میں یہ بات ڈال دینا چاہتا ہوں۔۔۔ کہ وہ یہ بات خوب اچھی طرح سے جان لیں کہ: عورت ایک ایسی مخلوق ہے جو پیار و محبت کی دیوانی ہوتی ہے۔۔۔ پیار کے دو میٹھے بول بھی اسے اپنی طرف کھینچ لاتے ہیں۔۔۔ اپنے گھر کو وہ جس طرح بھی ترتیب دے اس ترتیب پر اس کی تعریف کی جائے تو یہ تعریف اسے بہت بھاتی ہے، یا اس کے اچھے کھانا پکانے پر بھی اس کی تعریف کی جائے یا اس کے کسی بھی کام کی تعریف کی جائے تو اس تعریف سے وہ بہت ہی خوش ہوتی ہے۔۔۔ صاف و شفاف محبت، پیار سے اس کو چھونا یا گرمجوشی کے ساتھـ اسے اپنی بانہوں میں بھرنا اس سے اس کو اپنے اوپر ناز ہونے لگتا ہے۔ لہذا اپنی بیویوں کے حق میں ان چیزوں میں بخیلی سے کام نہ لیں۔۔۔ اور اپنے کام کی مشغولیت میں پڑ کر اسے اپنے احساس کے قریب لانے سے اسے محروم نہ کریں۔ رسول اکرم صلی اللہ علیہ وآلہ وسلم نے ہمیں یہ سکھلایا ہے کہ "تمہارے رب کا تمہارے اوپر حق ہے، تمہارے نفس کا بھی تمہارے اوپر حق ہے اور تمہارے اہل و عیال کا بھی تمہارے اوپر حق ہے۔۔۔ لہذا ہر حق والے کو اس کا پورا پورا حق دو"۔

ہمارے رسول صلی اللہ علیہ وآلہ وسلم تمام لوگوں سے زیادہ مشغول رہتے تھے، لیکن اس کے باوجود بھی آپ نے کسی دن اپنی بیویوں کے حق میں کوئی کمی نہیں کی۔۔۔ بلکہ آپ انہیں اپنی جانب سے اس قدر چاہتے تھے کہ ان میں سے ہر ایک یہ سمجھتی تھی کہ وہ آپ کی تمام بیویوں میں سے آپ سے زیادہ قریب ہے۔

ہمیں چاہئے کہ ہم رسول اکرم صلی اللہ علیہ وآلہ وسلم کے اخلاق سے سیکھیں۔۔۔ اور اپنی بیویوں پر پیار و محبت کی بارش کریں، اور اس زندگی میں صرف روزی کی طلب میں دوڑ دھوپ کر اپنے اہل و عیال کو نہ بھول جائیں۔

ہم رب ذوالجلال سے دعاء گو ہیں کہ وہ تمام مسلمانوں کے گھروں کو ہرطرح کی برائی سے محفوظ رکھے(آمین)۔

كاد شرفي أن يضيع لولا لطف الله بيَّ!!!! UR