اپني مشکلات بتائيں -

صفحہ اول ويب سائٹ ہم سے رابطہ زائرين کا ريکارڈ

موجودہ قضيے -: اسلامی نظام حکم کے سائے میں ملک کا کردار - نخلستان اسلام -: افسوس نہ کریں اور زندگی کو خوشگوار بنائیں - حادثات -: فلسطینی گا‏ؤں دیریاسین کی بھلائی ہوئی دردناک داستان - اپني مشکلات بتائيں -: خاوند حسن معاشرت پر عمل نہيں كرتا اور نہ ہى اخراجات ديتا ہے اور بيوى خلع لينا چاہتى ہے - موجودہ قضيے -: فقہی اختلاف کے آداب میں سے ہے۔۔۔ فروعات میں فریق مخالف کی رائے کا احترام کرنا - کتابيں -: مغرب کی اسلام دشمنی کے پہلو۔۔ ٹکراؤ کا آغاز - نخلستان اسلام -: مایوس نہ ہوں - مسلم خاندان -: کیا عورت سے متعلق اسلام منفی سوچ رکھتا ہے؟(1)۔ - فتوے -: کسی جگہ اکٹھا ہو کر قرآن کریم کی تلاوت کرنے کا حکم - مسلم خاندان -: خواتین مسجد سے بے دخل کیوں؟۔ - موجودہ قضيے -: امت اسلامیہ کو اجتماعی طور پر مرتد گرداننا۔۔۔ جھوٹ اور بے بنیاد ہے - فتوے -: کیا عورت کا مرد کے پیچھے بغیر کسی حائل کے نماز پڑھنا جائز ہے؟۔ - مسلم خاندان -: مس کال یا جہنم سے نجا ت کا ایک ذریعہ؟۔ - جہاد کا حکم -: اخلاق نبوی کے درخشاں پہلو۔۔ دشمن کی نوعیت -

ووٹ ديں

کیا شام میں مظاہرہ کرنے والی عوام کی فتح ممکن ہے؟
ہاں
نہیں
معلوم نہیں

سابقہ را? عامہ

اپني مشکلات بتائيں -

دوشیزاؤوں کے ساتھـ زیادہ تر چھیڑخانی کرنے کی وجہ سے میری بیوی کے دل سے میری محبت کا جنازہ نکل گیا ، میں کیا کروں؟۔

آپ کي الجھنيں

ویب سائٹ کے ایک قاری نے اپنی یہ الجھن "اپنی مشکلات بتائیں" سرخی کے تحت بھیجی ہے۔ بھیجی ہوئی الجھن کی عبارت درج ذیل ہے: میرے پیارے بھائیو! السلام علیکم ورحمۃ اللہ وبرکاتہ، میری عمر 37/ سال ہے، بہت ہی اچھے پوسٹ پر کام کررہا ہوں، 8/ سال سے شادی شدہ ہوں، میری شادی کی محبت بھری داستان بہت سارے لوگوں کی زبان پر ہے، میری بیوی مجھـ سے بہت زیادہ محبت کرتی ہے، میں بھی اس سے اسی طرح دل کھول کر چاہتا ہوں، پرہمیشہ دوشیزائیں ہمارے دل کو بہت زیادہ بھاتی ہیں، میری پریشانی یہ ہے کہ میں ان کے ساتھـ اٹھتا بیٹھتا بھی ہوں لیکن ان کے ساتھـ کسی طرح محبت وغیرہ کا کوئی تعلق نہیں ہے، شادی کے 4/ سال گزرنے کے بعد میری بیوی نے یہ راز جان لیا کہ میں ان میں سے کسی کے ساتھـ ٹیلیفون پر باتیں کرتا ہوں، لیکن میں نے اپنے بیوی کے سامنے اس بات کا صاف انکار کردیا، پھر کچھـ ہی دن گزرے تھے کہ میری بیوی نے اس کا انکشاف کرہی لیا اور اس بار میں کوئی صفائی پیش نہ کرسکا، پھر بھی میری بیوی نے ہمیں معاف کردیا، اس کے بعد میں نے پھر اسی طرح کی حرکت کرنی شروع کردی یہاں تک کہ ایک عورت سے ملاقات ہوگئی، اور معاملہ اس عورت کے ساتھـ صرف ٹیلیفون کی حد تک نہیں رہا، بلکہ اس سے زیادہ تجاوز کرکے ہم دونوں ایک دوسرے سے ملتے بھی رہے اور بیوی سے چوری چھپے بارہا میری اس عورت سے ملاقات ہوئی، یہاں تک کہ ایک دن ایسا آیا کہ میری بیوی نے میری یہ چوری بھی پکڑ لی ، میں نے اپنی بیوی کو چکنی چپڑی باتوں میں لانے کی بھرپور کوشش کی، لیکن میری بیوی کو اب یقین ہو گیا تھا، اس نے کھلے لفظوں میں کہا کہ میں اس پرائی عورت سے محبت کرتا ہوں، لیکن میں نے اس سے کہا: نہیں، میں تو صرف اور صرف تم سے محبت کرتا ہوں۔ حقیقت بھی یہی ہے کہ میں اپنی بیوی سے بےپناہ محبت کرتا ہوں، لیکن اس کو میری اس بات پر یقین نہیں آرہا ہے، میں نے بارہا اس کے سامنے صفائی پیش کرنے کی کوشش کی لیکن اسے یقین نہیں آیا، میں نے ہرچھوٹی بڑی ساری بات اس کی ماں سے اور اس کے اہل و عیال سے بتلادی، میری بیوی میرا گھر چھوڑ کر بچّوں (ایک لڑکا ایک لڑکی) کو اپنے ساتھـ لیکر چلی گئی، میں نے اپنی طرف سے بہت کوشش کی کہ اس کو کسی طرح سے منا کر واپس بلا لوں لیکن اس نے صاف انکار کردیا، کوئی بھی آدمی جسے میں اس کے پاس بھیجتا وہ اس سے کہتی تھی کہ وہ مجھـ سے محبت نہیں کرتی ہے، وہ اپنے اس رائے پر اٹل ہے کہ وہ مجھـ سے محبت نہیں کرتی ہے، اور مجھـ سے کہتی تھی: جس طرح میرے دل میں تمہاری محبت جاگی تھی اسی طرح سے اب وہ میرے دل سے ختم بھی ہوگئی۔ بہت سارے لوگوں نے اسے سمجھایا کہ اس کے لئے ضروری ہے کہ وہ کچھـ نہ صحیح تو بچّوں کی خاطر ہی گھر واپس لوٹ جائے لہذا وہ گھر واپس لوٹ آئی، لیکن اس وقت عالم یہ ہے کہ وہ الگ کمرے میں سوتی ہے اور میں الگ کمرے میں سوتا ہوں، وہ اپنی اس بات پر اٹل ہے کہ وہ مجھـ سے محبت نہیں کرتی ہے، وہ صرف بچوں کی خاطر یہاں لوٹ کر آئی ہے، محبت اب اس کے دل و دماغ سے کوسوں دور بھاگ چکی ہے، اسوقت وہ مجھـ سے بالکل محبت نہیں کرتی ہے۔ میں نے ہرطرح سے اسے سمجھانے بجھانے کی کوشش کی میں نے اس کے سامنے قسمیں بھی کھائیں کہ میں نے اس طرح کی حرکت اب چھوڑ دی ہے، یہاں تک کہ میں اس کے سامنے رونے بھی لگا، اور حق بھی یہی ہے کہ میں نے اب اس طرح کی حرکت بالکل چھوڑ دی ہے اور اپنی بیوی کے سوا کسی بھی دوسری لڑکی کے بارے میں بالکل نہیں سوچتا ہوں، اب میں کس طرح سے اس کی محبت حاصل کروں، کیونکہ میں اسے بےپناہ چاہتا ہوں، لیکن افسوس کہ میں اس کے دل میں جگہ بنانے سے مکمل طور پر ناکام ہوں۔ بہت پریشان ہوں، کیونکہ ابھی میں جوان ہوں، لہذا فطری طور پر میرے اندر ابھی خواہش بھی بہت زیادہ ہے میں ہرطرح سے اپنے آپ کو کنٹرول کرنے کی کوشش کرتا ہوں لیکن میں تنگ آگیا ہوں، میرے آس پاس موجود ساری چیزیں ہم کو بھڑکاتی ہیں، مجھے ڈر ہے کہ کہیں میں حرام کام کا ارتکاب نہ کربیٹھوں، اللہ رب العالمین سے دعاء ہے کہ حرام کام سے مجھے محفوظ رکھے۔ مجھے بتلائیے کہ میں اب کیا کروں جس سے میں اپنی پیاری بیوی کو واپس اپنی زندگی میں لاسکوں، اور اس کی محبت بھی حاصل کرسکوں؟ اور کیا یہ ممکن ہے کہ اتنا زیادہ پرخلوص محبت تبدیل ہوکر ایسا ہوجائے جس طرح کہ آج کل ہے؟ اور 7/ مہینے کی جدائی کے لئے کیا یہ ممکن ہے کہ وہ ہمارے 12/ سال کی محبت وچاہت کو بھلادے؟ میں کیا کروں؟ انتہائی کشمکش کے عالم میں آپ کے جواب کا انتظار کر رہا ہوں۔ والسلام علیکم ورحمۃ اللہ وبرکاتہ۔

جواب فراہم کرنے والے

شیخ/ محمد تیسیر

جواب

پیارے بھائی! السلام علیکم ورحمۃ اللہ وبرکاتہ،

میں اللہ رب العالمین سے دعاء گو ہوں کہ تمہیں میرا یہ پیغام ملے اور تم اچھے حال میں اس طرح رہو جو اللہ رب العالمین کو پسند ہے اور اپنے سارے مقرّب بندوں کے لئے اسی طرح سے پسند کرتا ہے۔ اسی طرح میں اللہ رب العالمین سے یہ بھی دعاء کرتا ہوں کہ وہ آپ لوگوں کے دلوں میں الفت و محبت ڈال دے ، آپ لوگوں کے درمیان صلح کرادے اور آپ لوگوں کو شیطان کی دخل اندازی سے محفوظ رکھے، آمین۔

معززمہمان! جماعت اسلامی کی ویب سائٹ پر آپ کا خیرمقدم ہے، آپ نے بالکل سچائی کے ساتھـ ہر ہر چیز کی صراحت کردی ہے آپ کا یہ پیغام پڑھکر مجھے آپ کی اس بات سے بے حد خوشی ہوئی۔ اس مسئلے کا حل نکالتے ہوئے میں سب سے پہلے تو آپ کے ساتھـ چند اصول وضوابط پر متفق ہونا چاہتا ہوں تاکہ ہم کسی مناسب حل تک پہنچ سکیں وہ اصول و ضوابط درج ذیل ہیں:

پہلا: بغیر کسی وجہ کے کوئی غلطی نہیں ہوتی۔

دوسرا: یہ سچ ہے کہ غلطی ہمیشہ برے انجام تک پہنچاتی ہے۔

تیسرا: جب ہم اس کو سلجھانا چاہیں تو پہلےغلطی کا اعتراف کرنا ہوگا۔

چوتھا: اسے سلجھانے کی پہلی کڑی یہ توبہ ہے، اگر صدق دل سے توبہ پایا گیا تو پھر ساری چیزیں اس کے بعد آسان ہوجائیں گی۔

پہلے والے بند کے حوالے سے:

سب سے پہلے تو میں آپ کی سرزنش اور فہمائش کرتا ہوں، کیونکہ جہاں تک میرا خیال ہے کہ کسی بھی صورت میں یہ معقول بات نہیں ہے کہ سینتیس (37) سال کی عمر کا آدمی اس طرح کا عشقیہ ڈرامہ رچائے، اوپر سے بالائے ستم کہ وہ مستقل طور پر شادی شدہ بھی ہو اسکی اپنی شریک حیات ہو اس کے اپنے بچے بھی ہوں، اور ساتھـ ہی ساتھـ اچھے پوسٹ پر کام بھی کرتا ہو۔ ہونا تو یہ چاہیئے کہ پیارومحبت ، ازدواجی تعلقات اور ایک اجتماعی آدمی ہونے کے ساتھـ ہی ساتھـ باپ بننے کی نعمت سے بھی آسودہ ہوغرضیکہ ہرطرح سے فارغ البال اور خوشحال ہو، آپ کی خوش قسمتی کہ آپ نے اسی دوشیزہ سے شادی کی جس کو آپ دل و جان سے چاہتے تھے، اس لئے میرا خیال ہے کہ یہ اس بات کا پتہ دیتی ہے کہ آپ کی زندگی میں کہیں کوئی ایسی خلل پائی جا رہی ہے جس کی وجہ سے آپ کی شخصیت میں دوسری خرابی آئی اور اس خرابی کی بنیاد پر آپ کے تصرفات میں بھی خرابی پائی گئی، اور میرا خیال ہے کہ یہ خرابی صرف اور صرف اس لئے ہے کہ آپ اپنے رب سے بہت دور ہو، اگر آپ اپنے رب سے قریب ہوتے تو اس سے شرم کرتے اور ایسی حرکت کرنے کی کبھی بھی جراءت نہیں کرتے جس حرکت سے ایک شریف آدمی کوسوں دور بھاگتا ہے، عقل سلیم بھی اس کو گوارہ نہیں کرتی ہے، ایک مؤمن کا دل اسے قبول نہیں کرتا ہے۔

میں آپ سے یہ باتیں کہہ رہا ہوں حالانکہ ابھی ہم پہلے ہی بند کے بارے میں گفتگو کر رہے ہیں، اور وہ یہ ہے کہ اس غلطی کی وجہ کیا ہے، میں آپ سے یہ کہنا چاہوں گا کہ مسئلہ یہ عورتوں کے پسند کرنے کا نہیں ہے جیسا کہ آپ کہہ رہے ہیں، بلکہ سارا مسئلہ آپ کا ان کی طرف مائل ہونے اور ان کی ہاں میں ہاں ملانے میں ہے، حالانکہ اس بات سے آپ بخوبی واقف ہیں کہ یہ چیز حرام ہے، اس کے باوجود آپ اس کے پیچھے بھاگ رہے ہیں۔ اس لئے میں آپ سے یہ کہوں گا کہ اللہ رب العالمین سے دوری نے آپ کے ایمانی طاقت و قوت کو کمزور کردیا ہے، اور اس کا نتیجہ یہ ہوا ہے کہ آپ کے اندر بھی وہ کمزوری کافی حد تک آگئی ہے جو انسان کو لغزشات اور غلطیوں سے محفوظ رکھتی ہے۔

آئیے اب ہم دوسرے بند کی طرف منتقل ہوتے ہیں: وہ ہے کہ یہ بات سچ ہے کہ غلطی ہمیشہ برے انجام تک پہنچاتی ہے: اس لئے میں آپ سے یہ کہوں گا:

بارہا وہی غلطیاں کرنے کے بعد اب آپ اپنی بیوی سے کس چیز کی امید کرتے ہیں؟ کیا آپ اپنی بیوی سے یہ امید کرتے ہیں کہ وہ آپ سے محبت کرے گی حالانکہ وہ یہ بات جان چکی ہے کہ آپ اس کے سوا کسی اور سے ہی محبت کرتے ہیں؟ کیا آپ اس سے یہ امید کرتے ہیں کہ وہ آپ کی صحبت کو عزت و احترام کی نگاہ سے دیکھے گی حالانکہ آپ نے اس کی صحبت کو عزت و احترام کی نگاہ سے نہیں دیکھا؟ کیا آپ اس سے محبت کی امید کرتے ہیں حالانکہ اس نے آپ کی طرف سے اپنے لئے پیار نہیں دیکھا؟ کیا آپ اس سے وفاداری کی امید کرتے ہیں حالانکہ اس نے وفاداری نام کی کوئی چیز آپ کے اندر نہیں دیکھی؟ کہنے والے نے کیا ہی خوب کہا ہے: "میں اپنے رب سے اپنے تعلق کا اندازہ اپنی بیوی اور اپنے چوپائے کے سلوک وبرتاؤ سے لگاتا ہوں"، یہ بات محمد بن سیرین نے کہی ہے۔ جو غلطی آپ ایک بار کرتے ہیں اور پھر مغفرت کرلیتے ہیں توبہ کرلیتے ہیں اس غلطی میں اور وہ جو آپ غلطی کرتے ہیں اور باربار وہی غلطی کرتے ہیں اس پر اصرار کرتے ہیں ان دونوں میں کافی فرق ہے، کیونکہ اللہ رب العالمین اپنے بندے کی پردہ پوشی کرتا ہے شاید کہ وہ مغفرت طلب کرلے اور توبہ کرلے۔ حضرت عمر بن خطاب رضی اللہ عنہ کے سامنے ایک آدمی حاضر کیا گیا تاکہ اس پر شرعی حد قائم کیا جاسکے اور دوسری طرف اس شخص کی ماں پیچھے سسکیاں بھر رہی ہے رو رہی ہے حضرت عمر رضی اللہ عنہ سے سفارش کررہی ہے اور ان سے کہہ رہی ہے: آپ اس کو اس بار چھوڑ دیجئے شاید کہ وہ توبہ کرلے۔ تو حضرت عمر رضی اللہ عنہ نے اس سے کہا: اے اللہ کی بندی! خاموش رہو، خدا کی قسم اللہ رب العالمین اسے پہلی ہی بار میں رسوا نہیں کرے گا۔ پھر حضرت عمر رضی اللہ عنہ نے اس گنہگار آدمی سے دریافت کیا اور اس سے کہا: تم نے کتنی بار یہ گناہ کیا ہے؟ تو اس شخص نے حضرت عمر رضی اللہ عنہ کو جواب دیا: اے امیرالمؤمنین! یہ سوویں (100) بارہے۔

تیسرا: جب ہم اس کو سلجھانا چاہیں تو پہلےغلطی کا اعتراف کرنا ہوگا۔

یہاں میرا مقصد یہ ہے کہ غلطی پر صفائی نہ پیش کی جائے، یا اس کے لئے کسی عذر یا بہانے کا سہارا نہ لیا جائے کیونکہ اگر آپ نے ایسا کیا تو موجودہ پریشانی کے ساتھـ ہی ساتھـ ایک اور دوسری پریشانی بھی کھڑی کرلیں گے، اور ایک گناہ کو چھپانے کے لئے دوسرے گناہ کا ارتکاب بھی کر بیٹھیں گے۔ اس لئے ضروری ہے کہ اس کا صراحت کے ساتھـ اعتراف کیا جائے اور اس صورت حال کا سچّے دل سے سامنا کیا جائے۔

اگر شیطان نے آپ کے ایمان کی کمزوری کا فائدہ اٹھاتے ہوئے آپ کے سامنے گناہ کو آراستہ و پیراستہ کرکے پیش کیا اور گناہ کے لذت سے روشناس کراتے ہوئے آپ کو دھوکہ دیا اور آپ سے اس گناہ کا ارتکاب کرا لیا تو آپ کا اس غلطی کا اعتراف کرنا اور اس کی تلافی کرنا یہ اس غلطی کے لئے کسی بھی طرح کا عذر تلاش کرنے یا اس کی وجہ ڈھونڈھنے سے ہزار درجہ بہتر ہے۔

چوتھا: اس کا سب سے بہتر حل صدق دل سے توبہ کرنے میں ہی پنہاں ہے: یہاں ضروری ہے کہ میں آپ کو یہ بات یاد دلاؤں کہ جو توبہ کی توفیق دیتا ہے وہ اللہ رب العالمین ہے، اور جو توبہ کی سچائی کو جانتا ہے وہ بھی اللہ رب العالمین ہی ہے، کیونکہ وہی ظاہر اور پوشیدہ کو جانتا ہے اور وہ تو پوشیدہ سے پوشیدہ تر کو بخوبی جانتا ہے۔

یہاں ایک بہت ہی اہم بات کی طرف میں آپ کی توجہ مبذول کرانا چاہتا ہوں، وہ یہ ہے کہ آپ اس وقت اللہ رب العالمین کی طرف رجوع کرنے اور اس کی طرف قدم بڑھانے سے پہلے اپنی بیوی کی طرف رجوع کرنے یا اس سے کسی قسم کا صلح ومفاہمت کرنے کے بارے میں ہرگز نہ سوچیں۔ ایسا اس لئے تاکہ آپ اصل مرض کو چھوڑ کرکے دوسری چیزوں میں نہ منہمک ہوجائیں، کیونکہ ایسا کرنے سے آپ اپنا وقت اورکوشش غیرمعقول چیزوں میں ضائع کریں گے۔ اس لئے اس اقت آپ دو بہت اہم مرحلوں کے سامنے ہیں:

پہلا: -اوریہی سب سے زیادہ کٹھن ہے- وہ یہ ہے کہ آپ صدق دل سے توبہ کرکے اللہ رب العالمین کی طرف رجوع کریں، گناہ سے مکمل طور پر کنارہ کش ہوجائیں، کیونکہ ایسا کرنے سے کوئی بھی تیسری چیز آپ کے راستے میں حائل نہیں ہوسکتی ہے۔ میرا مقصد ہے کہ بہرکیف کسی بھی اجنبی عورت سے رابطہ نہ رکھیں ، نہ کسی عورت سے شخصی طورپر ملاقات کریں، نہ ہی کسی عورت سے ٹیلیفون یا انٹرنیٹ کے ذریعہ بات کریں اور نہ ہی کسی عورت کی طرف نگاہ اٹھائیں۔ اس کے ساتھـ ہی ساتھـ جو کچھـ ہو چکا ہے اس پر شرمندگی کا اظہار بھی کریں، یہ عزم کریں کہ آئندہ اس طرح کے گناہ کی طرف ہرگز نہیں پلٹیں گے۔ اس کے بعد اس توبہ کے بارے میں اپنی بیوی کو مطلع کریں کہ آپ نے اپنے رب کے ساتھـ تعلق بنانے میں نئے سرے سے اقدام کیا ہے۔ یہ بات کان کھول کر سن لیں کہ اللہ رب العالمین کو کوئی شخص دھوکہ نہیں دے سکتا ہے اورنہ ہی اس کے سامنے کوئی جھوٹ بول سکتا ہے "وَهُوَ الَّذِي يَقْبَلُ التَّوْبَةَ عَنْ عِبَادِهِ۔۔۔"(وہی ہے جو اپنے بندوں کی توبہ قبول فرماتا ہے۔۔۔)۔(الشوری: 25)۔

دوسرا مرحلہ: -اور یہ بہت ہی آسان ہے- وہ یہ ہے کہ آپ اپنی شریک حیات کے ساتھـ صلح ومفاہمت کریں، کیونکہ توبہ کرنے کے بعد یہ مرحلہ خودبخود سامنے آتا ہے۔ اس کا مطلب یہ ہے کہ اگر آپ پہلے مرحلے میں " اور وہ توبہ کرنا ہے" اس میں کامیاب ہوگئے تو اللہ رب العالمین خود بخود دوسرا مرحلہ آپ کے لئے آسان کردے گا "کیونکہ دل یہ اللہ رب العالمین کے انگلیوں کے درمیان ہے وہ اسے جس طرح سے چاہتا ہے گھماتا ہے"۔ یہاں میں آپ کو ایک بات اور یاد دلانا چاہتا ہوں وہ یہ ہے کہ اللہ رب العالمین اپنے بندوں کے توبہ سے بہت خوش ہوتا ہے اور وہ توبہ کرنے والوں کو پسند بھی کرتا ہے، ارشاد باری تعالی ہے " إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ" ( اللہ توبہ کرنے والوں کو اور پاک رہنے والوں کو پسند فرماتا ہے)۔(البقرہ: 222)۔ اللہ رب العالمین جب کسی سے محبت کرتا ہے تو اس کی مخلوق بھی اس سے محبت کرتی ہے فرشتے یہ آواز لگاتے ہیں کہ اللہ رب العالمین فلاں شخص سے محبت کرتا ہے لہذا تم لوگ بھی اس شخص سے محبت کرو۔ پھر اللہ کے حکم سے آپ کی شریک حیات بھی آپ سے محبت کرے گی اور آپ کی طرف کھنچی ہوئی چلی آئے گی۔

یہاں آپ کے لئے ضروری ہے کہ آپ کے اعزاء و اقارب میں جو اہل خیر حضرات ہیں ان کی مدد حاصل کریں تاکہ وہ لوگ آپ کے اس توبہ کے بارے میں آپ کی بیوی کو بتلائیں، اور یہ کی آپ نے اپنی اسلوب زندگی کو صحیح اور درست کرلیا ہے، آپ کے دل و دماغ میں اور آپ کی زندگی میں آپ کے بیوی بچّوں کے سوا اب اور کوئی دوسرا نہیں ہے اور یہ کہ آپ اس فیملی کا بکھرا ہوا شیرازہ اکٹھا کرنا چاہتے ہیں۔ آپ کے لئے یہ بھی ضروری ہے کہ آپ اس سلسلے میں کچھـ علامتیں بھی سامنے رکھیں " مثال کے طور پر آپ اپنی بیوی سے یہ کہیں کہ تم میرے ساتھـ عمرہ یا حج کے لئے چلو، اگرایسا کہنا ممکن ہو تو" وہ گھرمیں آپ کو دیکھے کہ آپ ہمیشہ نماز اور تلاوت قرآن کریم کی پابندی کرتے ہیں۔ آپ نے جو اس کو زخم دیا ہے اس کی تلافی کریں، بایں طور پر کہ وہ آپ کے اندر پیارومحبت اور الفت کا احساس کرے، آپ دونوں کی زندگی کے ہرہر قدم پر پیارومحبت اپنا رنگ دکھلائے آپ اس کے ساتھـ زیادہ سے زیادہ پارک وغیرہ میں یا گرمی کی چھٹیاں گزارنے یا اعزاء و اقارب کی زیارت کرنے کے لئے نکلیں، ابتدائی دنوں کی محبت کی یاد تازہ کریں جیسے کہ منگنی کے وقت کا عرصہ یا عقد نکاح کے وقت کا عرصہ یا شادی کے ابتدائی دنوں کا عرصہ ہو۔ اسی طرح سے اپنی بیوی کے سامنے پیارومحبت سے بھرے ہوئی باتیں کریں ، ایسی ایسی عبارتوں کا استعمال کریں جس سے الفت ،شوق پیارومحبت اور چاہت کی خوشبو آئے، آپ اپنی بیوی کے سامنے عشق ومحبت اور ہنسی مزاق والی باتیں کریں جو اس کے دل کو بھائے۔

میں اللہ رب العالمین سے دعاء گو ہوں کہ وہ آپ دونوں کے اندر باہمی تعلقات کی اصلاح کردے آپ کے دلوں کو جوڑ دے ہمیشہ اپنی محبتوں کے سائے میں رکھے اور آپ لوگوں کو ہمیشہ اس چیز کی توفیق دے جو وہ پسند کرتا ہے اور اپنے صالح ونیکوکار بندوں کے لئے پسند فرماتا ہے، آمین۔

ضروری ہدایات:- جس شخص کے پاس بھی کوئی دوسری نصیحت ہو یا اس مسئلے کا کوئی اور حل ہو یا کسی طرح کی کوئی پریشانی ہو یا اس مسئلے کو حل کرنے کا کوئی دوسرا تصور بھی ہو، تو برائے مہربانی وہ لوگ "اپنا تبصرہ" میں ضرور لکھیں۔ تاکہ یہ ویب سائٹ اثرپزیر ہوسکے اور اس اہم باب میں اضافہ ہوسکے اور یہ مزید ترقی کرسکے۔

وجـــزاکـــم الـلـھ خــــــیــــــرا۔

بروز بدھ مطابق

15/6/1432ھ

18/5/2011ء

الإسم	محمد ابو العباس
عنوان التعليق	بہت خوب!۔
میں امید کرتا ہوں کہ یہ مسئلہ ویب سائٹ کے پہلے صفحہ پر نشر کیا جائے تاکہ سارے لوگ اس سے فائدہ اٹھائیں، اور شیخ/ ابوعلاء کو اللہ تعالی مزید ترقی دے۔

ويب سائٹ کي خدمات